काठमाण्डौ । प्रधानमन्त्री पुष्पकमल दाहाल प्रचण्डले मध्यराति ढोकाको चुकुल लगाएर दुई दलले राष्ट्रिय सहमतिको नाकट मञ्चन गरेको आरोप लगाएका छन् ।
शुक्रबार प्रतिनिधि सभा बैठकमा विश्वासको मत माग्दै यस्तो बताएका हुन् । सरकारले भ्रष्ट्राचारको फाइल खोल्ने थालेपछि एकाएक राजनीतिक परिवर्तन भएको उनको दाबी छ । यो संविधानमा माओवादी केन्द्रको सबैभन्दा ठूलो लगानी रहेको उल्लेख गर्दै उनले माओवादीले संविधान कहिल्यै कमजोर बनाउन नदिने बताए ।
उनले उत्पीडित वर्ग, क्षेत्र, लिङ्ग, समुदायको दशक लामो विद्रोह र त्यसपछिका आन्दोलनहरूको जगमा बनेको यो संविधानलाई मध्यरातमा झम्टीझम्टी च्यात्न खोज्दा पनि बचाएको बताए । ‘प्रचण्ड’ले संविधानसभाबाट निर्मित संविधानमा नेपाल कम्युनिष्ट पार्टी (माओवादी केन्द्र) को सबैभन्दा ठूलो लगानी भएको उल्लेख गर्दै यसलाई माओवादीले कमजोर नबनाउने र बनाउन नदिने बताएका छन् ।
प्रधानमन्त्रीलाई एक महिनाको समय दिएको भन्दै आउने दिनमा पनि संविधानको रक्षाका लागि आफू नेतृत्वको पार्टी निरन्तर लागिपर्ने बताए ।
‘यो संविधानमा माओवादी केन्द्रको सबैभन्दा ठूलो लगानी छ, त्यसैले यसलाई माओवादीले कमजोर बनाउँदैन र बनाउन पनि दिँदैन’, प्रधानमन्त्री दाहालले भने, ‘उत्पीडित वर्ग, क्षेत्र, लिंग, समुदायको दशक लामो विद्रोह र त्यसपछिका आन्दोलनको जगमा बनेको यो संविधानलाई सडकमा पलेटी कसेर जनताको साथ लिएर बचाइएको हो र आउने दिनमा पनि त्यसरी नै बचाइने छ ।’
- Reporter
