देशभर आंशिक बदली रहने, तराईका केही स्थानमा बिहान हुस्सु र कुहिरो लाग्न सक्ने
जिज्ञासा नेपाल | मौसम समाचार
काठमाडौं । देशका अधिकांश क्षेत्रमा सोमबार आंशिक बदली रहने भएको छ। हिमाली तथा पहाडी भूभागका केही स्थानमा हल्का वर्षा र हिमपातको सम्भावना रहेको मौसम पूर्वानुमान महाशाखाले जनाएको छ।
महाशाखाका अनुसार आज दिउँसो देशभर आंशिक बदली रहनेछ। हिमाली तथा पहाडी क्षेत्रका एक–दुई स्थानमा हल्का वर्षा तथा हिमपात हुन सक्नेछ। लुम्बिनी प्रदेशको तराई भूभागका एक–दुई स्थानमा पनि हल्का वर्षाको सम्भावना रहेको छ।
राति तराई र उपत्यकामा हुस्सु
आज राति हिमाली तथा पहाडी भूभागमा आंशिक बदली रहने पूर्वानुमान छ। तराईका भूभाग, उपत्यका तथा खोँचहरूमा भने बिहानपख केही स्थानमा हुस्सु तथा कुहिरो लाग्न सक्ने महाशाखाले जनाएको छ।
मौसममा हुने परिवर्तनलाई ध्यानमा राख्दै सम्बन्धित क्षेत्रका नागरिकलाई आवश्यक सतर्कता अपनाउन महाशाखाले सुझाव दिएको छ। विशेषगरी बिहानको समयमा हुस्सु र कुहिरोका कारण दृश्यता कम हुन सक्ने भएकाले सवारी चालकलाई सावधानी अपनाउन आग्रह गरिएको छ।
-
Jigyasanepal
