काठमाडौं । राष्ट्रिय प्रजातन्त्र पार्टी (राप्रपा) ले प्रधानमन्त्री पुष्पकमल दाहाल ‘प्रचण्ड’ लाई विश्वासको मत नदिने भएको छ । सो पार्टीको आज बसेको संसदीय दलको बैठकले प्रधानमन्त्रीलाई विश्वासको मत नदिने निर्णय गरेको प्रमुख सचेतक ज्ञानेन्द्र शाहीले जानकारी दिए ।
एमालेसहित सरकारमा सहभागी साना दलले समर्थन फिर्ता लिएपछि प्रधानमन्त्री दाहालले भोलि (शुक्रबार) प्रतिनिधिसभाबाट विश्वासको मत लिँदै छन् ।
नेपाली कांग्रेस र नेकपा एमालेले नयाँ सत्ता गठबन्धन गरेर नयाँ सरकार बनाउन थालेपछि प्रधानमन्त्री दाहाल नेतृत्वको सरकार अल्पमतमा परिसकेको छ । अब बन्ने नयाँ सरकारलाई अन्य दलहरुले पनि समर्थन गरेका छन् ।
- Jigyasa media
