काभ्रे । काभ्रे जिल्लाको खानीखोला गाउँपालिका–७ धाप्लेमा रहेको श्री साङ्तोक पालरी कृषि सहकारी संस्था लिमिटेडको १४औँ वार्षिक साधारण सभा आज सम्पन्न भएको छ।
संस्थाका अध्यक्ष रत्नबहादुर घिसिङको सभापतित्व तथा खानीखोला गाउँपालिका–७ का वडाध्यक्ष रामबहादुर मोक्तानको प्रमुख आतिथ्यमा साधारण सभा सम्पन्न भएको हो।
संस्थाले आर्थिक वर्ष २०८३/०८४ को वार्षिक साधारण सभा शेयर सदस्यहरूको सहभागितामा आयोजना गरिएको थियो। सभामा संस्थाको वार्षिक गतिविधि, आर्थिक अवस्था तथा आगामी कार्ययोजना लगायतका विषयमा छलफल गरिएको जनाइएको छ।
कार्यक्रममा प्रमुख अतिथि वडाध्यक्ष राम बहादुर मोक्तानले स्थानीयस्तरमा कृषि क्षेत्रको विकास, उत्पादन वृद्धि तथा सदस्यहरूको आर्थिक उन्नतिमा सहकारीको भूमिका महत्वपूर्ण हुने धारणा राखेका थिए।
सभाका सभापति एवं संस्थाका अध्यक्ष घिसिङले सहकारीलाई सदस्यकेन्द्रित बनाउँदै कृषि तथा स्थानीय उत्पादनसँग जोडेर अघि बढाउने प्रतिबद्धता व्यक्त गरेका थिए। सहकारीले ग्रामीण जनजिविकाको सवालमा बिबिध कार्यक्रम कृषकस्तर बाट जोडिएर गर्दै आएको छ ।
साधारण सभा सभ्य र भव्य रूपमा सम्पन्न भएको संस्थाले जनाएको छ।
-
Jigyasanepal
