काठमाडौं, जेठ २४ । नेपाली सुनचाँदी बजारमा आइतबार सुन र चाँदी दुवैको मूल्यमा उल्लेख्य गिरावट आएको छ। नेपाल सुनचाँदी व्यवसायी महासंघका अनुसार सुनको भाउ एकैदिन प्रतितोला ८ हजार २ सय रुपैयाँले घटेको हो।

अघिल्लो कारोबार दिन प्रतितोला ३ लाख ९ हजार रुपैयाँ कायम रहेको छापावाल सुनको मूल्य आइतबार घटेर ३ लाख ८ सय रुपैयाँमा झरेको छ। गत साताको आइतबार भने सुन प्रतितोला ३ लाख ११ हजार १ सय रुपैयाँमा कारोबार भएको थियो।

त्यस्तै, चाँदीको मूल्यमा पनि उल्लेख्य कमी आएको छ। अघिल्लो दिन प्रतितोला ५ हजार २३० रुपैयाँ रहेको चाँदी आइतबार ३३५ रुपैयाँले घटेर ४ हजार ८९५ रुपैयाँमा कारोबार भइरहेको महासंघले जनाएको छ। गत आइतबार चाँदीको मूल्य प्रतितोला ५ हजार ३४५ रुपैयाँ रहेको थियो।

अन्तर्राष्ट्रिय बजारमा बहुमूल्य धातुको मूल्यमा आएको उतारचढावको प्रभाव नेपाली बजारमा समेत परेको व्यवसायीहरू बताउँछन्। एकैदिन सुनको मूल्यमा ठूलो गिरावट आएपछि बजारमा खरिदकर्ताको चासो बढ्न सक्ने अनुमान गरिएको छ भने लगानीकर्ताहरूले बजारको आगामी दिशातर्फ चासोपूर्वक नजर लगाएका छन्।

• Jigyasanepal