काभ्रे, २०८१ असोज ३ – राष्ट्रिय संविधान दिवसको अवसरमा २०८१ असोज ३ गते आज खानीखोला गाउँपालिकामा संविधान जारीको दिनको अवसरमा विशेष कार्यक्रम आयोजना गरी मनाइएको छ । नेकपा एमाले र नेपाली कांग्रेसको संयुक्त आयोजनामा संविधान दिवस मनाइएको छ। , जसमा गाउँपालिकाको विभिन्न बेतिथिपुर्ण गतिविधिहरूबारे खबरदारी समेत गरिएको छ।
कार्यक्रममा गाउँपालिकामा संविधान विपरीत भएका कामहरू र वार्षिक कार्ययोजना नीतिगत आधारमा नभई बहुमतको आडमा गरिएको भनी आलोचना गरिएको छ। सोही कारणले संविधान दिवसको दिन विरोध स्वरूप खबरदारी कार्यक्रम राखिएको नेपाली कांग्रेसका निर्वाचित उपाध्यक्ष समेत रहेका दोर्जमान जिम्बाले बताए। आयोजकहरूले गाउँपालिकाका अनियमित निर्णयहरूमा ध्यानाकर्षण गराउँदै संविधानको मर्म र भावना विपरीत गरिएका कार्यहरूलाई उजागर गर्ने र तत्काल त्यस्ता कु हर्कत र जनतालाई अफ्ठेरो पार्ने गतिविधि रोक्न नाराबाजी समेत गरिएको थियो ।
कार्यक्रममा गाउँपालिकाका विभिन्न विवादास्पद निर्णय र गतिविधिहरूलाई विशेष रुपमा छलफलमा ल्याइनु पर्ने र तत्काल सच्याउनु पर्ने तर्फ समेत ध्यानाकर्षण गराइएको नेकपा एमालेका प्रदेश कमिटी सदस्य शेखर लामाले बताए ।
- Jigyasa media
