✍🏼भरत सापकोटा
गजल :-
मुटु भक्कानियो,आँखा रसाएर पानी पानी भयो ।
तिमीलाई सम्झिएँ,विगत सम्झिएँ , ग्लानी भयो ।
तिम्रो भावनालाई सधैं कदर गरेको हुँ,गर्नेछु पनि ।
तिमीलाई सधैं शिरमा सजाउने मेरो बानी भयो ।
तिम्रै सम्झनामा गएको रात कटाउने कोशिस गरें
रात बित्न पनि बर्षौं लाग्यो र बल्ल बिहानी भयो ।
सम्बन्ध होस या घर ,बन्नका लागि हो समय लाग्ने
भत्किन समय लाग्दैन ,एक निमेषमा खरानी भयो ।
गुमाउने मान्छे नै गुमाएँछु भन्ने आभाष भएको छ
लाग्यो अबदेखि यो मुसाफिर फेरि भाग्यमानी भयो ।
- Jigyasa media
