काठमाडौं: प्रधानमन्त्री केपी शर्मा ओलीले जलवायु परिवर्तनको चुनौतीलाई सामना गर्न विश्वव्यापी साझेदारीलाई सशक्त बनाउन नेपाल प्रतिबद्ध रहेको बताएका छन्। संयुक्त राष्ट्रसंघ दिवसको अवसरमा नेपाली सैनिक मुख्यालयमा आयोजित विशेष समारोहमा प्रधानमन्त्री ओलीले जलवायु अनुकूलन र दिगो विकासलाई प्राथमिकता दिँदै नेपालले सकारात्मक भूमिका खेल्न तत्पर रहेको पुनः दोहोर्याए।

उनले भने, "जलवायु परिवर्तनलाई सम्बोधन गर्न संयुक्त राष्ट्रसंघको नेतृत्वमा सबैले साझा समाधानको बाटो समात्नुपर्ने आवश्यकता छ। यसले नेपालजस्ता मुलुकहरूको अस्तित्व जोगाउन महत्वपूर्ण योगदान दिनेछ।"

नेपालको परराष्ट्र नीति शान्तिपूर्ण सहअस्तित्वमा आधारित रहेको उल्लेख गर्दै, प्रधानमन्त्री ओलीले नेपालले दुई ठूला छिमेकी राष्ट्रहरूसँग मित्रता कायम राख्दै असल सम्बन्धको नीति पछ्याइरहेको बताए। उनले शान्ति, सुरक्षा, दिगो विकास, र वातावरण संरक्षणमा नेपालको निरन्तर समर्थनलाई जोड दिए।

उनको सम्बोधनमा राष्ट्रसंघप्रति नेपालको विश्वास र योगदानलाई निरन्तरता दिने प्रतिबद्धता स्पष्ट रूपमा देखिएकोथियो।

• Jigyasa media