काठमाडौं । प्रधानमन्त्री केपी शर्मा ओलीले संक्रमणकालीन न्यायसम्बन्धी विधेयकलाई सफलतापूर्वक निष्कर्षमा पुर्याउने प्रतिबद्धता जनाएका छन्।
मंगलबार महान्यायाधिवक्ता कार्यालयमा आयोजित सरकारी वकिलहरूसँगको छलफलमा प्रधानमन्त्री ओलीले संक्रमणकालीन न्यायसम्बन्धी विषय (टीआरसी)मा अन्तर्राष्ट्रिय चासो रहेको उल्लेख गर्दै विधेयकलाई यो नै अधिवेशनमा पारित गर्ने योजना सुनाए।
प्रधानमन्त्रीले उक्त विधेयकलाई पीडितमैत्री र पीडित केन्द्रित रूपमा तयार गरिएको बताउँदै यो विधेयक पारित हुनु सरकारका लागि कोशेढुंगा साबित हुने दाबी गरे। साथै, उनले वर्तमान सरकार देशविरोधी काम नगर्ने र विकासलाई सकारात्मक ढंगले अघि बढाउनेतर्फ प्रतिबद्ध रहेको स्पष्ट पारे।
प्रधानमन्त्री ओलीले सामाजिक सञ्जालमार्फत समाजको मूल्य मान्यता ताड्ने प्रयास भइरहेको भन्दै सरकार त्यसविरुद्ध सचेत रहेको पनि बताए। ओलीले यसअघि सरकारमा रहेका बेला गरेका कामहरूमा गौरव गर्न लायक रहेको दाबी गर्दै अहिलेको जिम्मेवारी फोटो खिच्न होइन, सकारात्मक काम गर्नका लागि सम्हालेको स्पष्ट पारे।
- Jigyasa media
