काठमाडौं, फागुन २ – मुलुकको पछिल्लो राजनीतिक परिवेशलाई लिएर प्रधानमन्त्री निवास बालुवाटारमा उच्चस्तरीय राजनीतिक संयन्त्रको बैठक जारी रहेको छ।
बैठकमा प्रधानमन्त्री केपी शर्मा ओली, नेपाली कांग्रेसका सभापति शेरबहादुर देउवा तथा अन्य सत्ता साझेदार दलका शीर्ष नेताहरू सहभागी छन्। स्रोतका अनुसार बैठकमा सरकार सञ्चालन, संसद्को प्रभावकारिता तथा अत्यावश्यक कानुन निर्माण प्रक्रिया तीव्र बनाउने विषयमा गहन छलफल भइरहेको छ।
सत्ता साझेदारीको सन्तुलन मिलाउनेदेखि समसामयिक राजनीतिक घटनाक्रमबारे रणनीति बनाउन यो बैठकलाई महत्वपूर्ण मानिएको छ। प्रधानमन्त्री सचिवालयका अनुसार बैठकको निष्कर्षले मुलुकको राजनीतिक दिशा तय गर्ने संकेत गरेको छ।
- Jigyasa media
