काठमाडौं, कात्तिक ३० । आगामी स्थानीय तह उपनिर्वाचनलाई लक्षित गर्दै देशभर ३८ वटा निर्वाचन अधिकृतका कार्यालय स्थापना गरिएको छ। निर्वाचन आयोगका अनुसार ३२ वटा मुख्य निर्वाचन अधिकृतका कार्यालय र ६ वटा निर्वाचन अधिकृतका कार्यालय स्थापित भएका छन्।
मनोनयनदेखि मतदानसम्मको तयारी
आयोगका प्रवक्ता नीता पोखरेल अर्यालले उपनिर्वाचन हुने सम्बन्धित वडाका केन्द्रहरूमा यी कार्यालय स्थापना गरिएको जानकारी दिएकी छन्। मंसिर २ गते उम्मेदवार मनोनयन दर्ता सुरु हुने कार्यक्रम छ।
मंसिर ५ गते उम्मेदवारको अन्तिम नामावली प्रकाशन र निर्वाचन चिह्न प्रदान गरिनेछ। मतदान भने मंसिर १६ गते आइतबार बिहान ७ बजेदेखि अपराह्न ५ बजेसम्म हुनेछ।
आयोगमा प्रवक्ता परिवर्तन
साथै, आयोगले सहसचिव नीता पोखरेल अर्याललाई प्रवक्ताको जिम्मेवारी तोकेको छ। सहायक प्रवक्ता दुर्गाप्रसाद चालिसेले आजको निर्णयअनुसार अर्याललाई प्रवक्ता बनाइएको पुष्टि गरेका छन्।
निर्वाचन प्रक्रिया सुनिश्चित गर्न आयोगले तीव्र तयारी गरिरहेको छ, जसले निष्पक्ष र व्यवस्थित मतदानमा सहजीकरण गर्ने अपेक्षागरिएको छ।
- Jigyasa media
