काठमाडौं । - नागढुंगामा आधा किलो सुनसहित एक युवक पक्राउ परेका छन्। पक्राउ परेका युवकको पहिचान टिकापुर नगरपालिका-४ का २३ वर्षीय एलिस ढकालको रूपमा भएको छ।
जिल्ला प्रहरी परिसर काठमाडौंका अनुसार, नेपालगन्जबाट काठमाडौं आउँदै गरेको लु १ ख ००९९ नम्बरको यात्रुवाहक बसमा यात्रा गरिरहेका ढकाललाई नागढुंगामा खटिएको प्रहरी टोलीले चेकजाँच गर्दा पक्राउ गरेको हो।
उनले बोकेको कालो झोलाभित्र सुन जस्तो देखिने पहेंलो धातु दुई टुक्रा, कालो टेपले बेरिएको अवस्थामा फेला परेको प्रहरीले जनाएको छ। पक्राउ परेका ढकाललाई थप अनुसन्धानका लागि प्रहरी वृत्त थानकोटमा राखिएको छ।
- Jigyasa media
