जेठ २४, शनिबार | बनियानी – झापा राष्ट्रिय प्रजातन्त्र पार्टी (राप्रपा) का अध्यक्ष राजेन्द्र लिङ्देनले मौसमसँग राजनीतिक आन्दोलनको तालमेल मिलाउँदै यस्तो अभिव्यक्ति दिएका छन्: "वर्षा लागिसकेकाले अब ठूलो आन्दोलन हुँदैन।"
शनिबार झापाको हल्दिबारीमा सञ्चारकर्मीहरूसँग कुराकानी गर्दै लिङ्देनले आफूहरूले गरिरहेको आन्दोलन केवल राजसंस्था र हिन्दू राष्ट्र पुनःस्थापनाको लागि मात्र नभई सुशासन, स्थायित्व र समृद्धिका लागि पनि हो भन्ने प्रस्ट पारे।
🗣️ "नेतृत्वको फेरबदल अब अपरिहार्य छ"
"तीन दशकदेखि देश सीमित नेताहरूको घेराभित्रै सीमित छ," लिङ्देनले भने, "नेतृत्वमा आमूल परिवर्तन आवश्यक छ। जुनसुकै व्यवस्था आए पनि त्यसको सही कार्यान्वयन नभएको यथार्थ हो।"
उनले संविधानको कतिपय प्रावधानप्रति असहमति जनाए पनि केही पक्ष सकारात्मक रहेको टिप्पणी गरे। राप्रपाको आन्दोलन आफू अनुकूल समय र उपयुक्त वातावरण पर्खिरहेको पनि उनले संकेत गरे।
- वर्षा लागेकाले तत्काल ठूलो आन्दोलन नहुने
- आन्दोलन केवल राजसंस्थाको पक्षमा मात्र होइन, सुशासन र विकासको निम्ति
- तीन दशकदेखि सीमित नेताहरूले देशमा 'एकाधिकार शैली'मा शासन
- संविधानका केही अंश अस्वीकार्य भए पनि केही पक्ष स्वीकार्य
-
Jigyasanepal
