काठमाडौँ । प्रधानमन्त्री केपी शर्मा ओलीले वर्तमान सरकारले सबै क्षेत्रमा सकारात्मक परिणाम आउने गरी काम गर्ने बताएका छन्।
प्रधानमन्त्री ओलीले भ्रष्टाचार नियन्त्रण, विकास निर्माण र जनतालाई राहत दिने कुरामा परिणाम आउने गरी सरकार काम गरिरहेको प्रतिबद्धता जनाएका छन्। मंगलबार बालुवाटारस्थित प्रधानमन्त्री निवासमा नेकपा एमाले जिल्ला कमिटी सिन्धुपाल्चोकको बधाई तथा शुभकामना कार्यक्रममा उनले कठिनाइमा परेका जनतालाई सहयोग गर्न, सुशासन र विकासका काममा सकारात्मक परिणाम आउने गरी सरकार क्रियाशील रहेको भन्दै आश्वस्त पारे।
प्रधानमन्त्री ओलीले बाढी, पहिरो लगायतको क्षतिलाई गम्भीरतापूर्वक लिइ राहत व्यवस्थापनको काम अघि बढाएको बताए। नयाँ सरकार आएपछि देशभर आशा र भरोसा जगाएको उल्लेख गर्दै, पहिलो क्याबिनेट बैठकबाट नै सरकारको काम अघि बढाइएको जिकिर गरे।
विगतमा पनि आफूले सरकारको नेतृत्व गर्दा देश र जनताको पक्षमा काम गरेको र अहिले पनि जनताको पक्षमा तीव्रताका साथ काम गरिरहेको बताए।
- Reporter
