१५ साउन, हेटौंडा । बागमती प्रदेशका मुख्यमन्त्री बहादुर सिं लामाले आज प्रदेशसभाबाट विश्वासको मत लिँदै छन्। ९ साउनमा नेपाली कांग्रेसका लामा नेकपा एमालेको समर्थनमा मुख्यमन्त्री नियुक्त भएका थिए।
विश्वासको मत लिने प्रयोजनका लागि प्रदेशसभाका सभामुख भुवनकुमार पाठकले आज दिउँसो ३ बजेका लागि बैठक आह्वान गरेका छन्। लामाले नेपालको संविधानको धारा १६८ को उपधारा (४) तथा प्रदेशसभा नियमावली २०७४ को नियम १४३ को उपनियम (१) बमोजिम विश्वासको मत लिन प्रस्ताव पेश गर्ने छन्। 
मुख्यमन्त्री लामालाई कांग्रेसका ३७ र एमालेका २७ सांसदको समर्थन छ। ११० सदस्यीय प्रदेशसभामा ५६ सांसदको बहुमत आवश्यक हुन्छ।
६ साउनमा माओवादी केन्द्रका शालिकराम जम्कट्टेलले राजीनामा दिएपछि ९ साउनमा लामाले सरकारको दावी पेश गरेका थिए। १० साउनमा प्रदेश प्रमुख यादव चन्द्र शर्माले लामालाई सपथ गराएका थिए।
- Jigyasa media
