काठमाडौं । पूर्व राजा ज्ञानेन्द्र शाहले यस वर्षको विजया दशमीका दिन राजधानीस्थित निर्मल निवासमा शुभेच्छुक तथा सर्वसाधारणलाई टीका लगाउने घोषणा गरेका छन्। शाहले परम्परागत रूपमा दशमीको अवसरमा आफ्ना समर्थक र सर्वसाधारणलाई आशीर्वाद दिने कार्यक्रम राखेका हुन्।
पूर्व राजा ज्ञानेन्द्र र पूर्व रानी कोमल शाहले विजयादशमीको दिन अपराह्न ४ बजेबाट सुरु हुने टीका कार्यक्रम आयोजना गर्ने संवाद सचिवालयले जनाएको छ। हरेक वर्षझैँ यसपटक पनि टीका लगाउन आउनेहरूलाई उनीहरूले स्नेहपूर्वक आशीर्वाद दिनेछन्।
हाल पूर्व राजा शाह भुटानको भ्रमणमा रहेका छन् र उनी आइतबार स्वदेश फर्कने तय भएको छ। विजयादशमीको यो परम्परागत कार्यक्रमलाई लिएर उनका शुभचिन्तकहरू उत्साहित छन्, जहाँ उनलाई भेट्न र आशीर्वाद थाप्नको लागि लामबद्ध हुने अपेक्षा गरिएको छ।
- Jigyasa media
