काठमाडौं: प्रधानमन्त्री केपी शर्मा ओलीले सरकारको तर्फबाट राजनीतिक दलसम्बन्धी अध्यादेश ल्याउने कुनै तयारी नभएको स्पष्ट पारेका छन्। सोमबार प्रतिपक्षी दलहरूले संसद् छलेर दल फुटाउने उद्देश्यले अध्यादेश ल्याउने तयारी भएको भन्दै ज्ञापनपत्र बुझाएपछि ओलीले यस्तो प्रतिक्रिया दिएका हुन्।
राष्ट्रिय प्रजातन्त्र पार्टीका अध्यक्ष राजेन्द्र लिङ्देनका अनुसार, "सरकारले राजनीतिक दलसम्बन्धी अध्यादेश ल्याउने योजना नराखेको पुष्टि प्रधानमन्त्री ओलीले गरेका छन्।" लिङ्देनले प्रतिपक्षी दलहरूले संसद् छलेर अध्यादेश ल्याउनु राजनीतिक व्यवस्थामाथि आक्रमण हुने भन्दै सरकारको ध्यानाकर्षण गराएको बताए।
साथै, प्रतिपक्षी दलहरूले सरकारलाई जनताको समस्यामा ध्यान नदिएको आरोप लगाउँदै बाढी, पहिरो पीडितहरूलाई सात दिनभित्र राहत र एक महिनाभित्र पुनःस्थापना गर्न माग गरेकाछन्।
- Jigyasa media
