कञ्चनपुर । कञ्चनपुरको बेदकोट नगरपालिकाका वडाध्यक्ष जनक विष्ट रहस्यमय अवस्थामा मृत फेला परेका छन्।
बुधबार दिउँसो बेहोस अवस्थामा फेला परेका उनी उपचारको क्रममा महाकाली प्रादेशिक अस्पतालमा निधन भएको जिल्ला प्रहरी कार्यालय कञ्चनपुरले जनाएको छ।
बेदकोट नगरपालिका–९ का वडाध्यक्ष विष्ट सोही नगरपालिका–३ मा पर्ने बेदकोट ताल नजिकैको जङ्गलमा अचेत अवस्थामा फेला परेका थिए। प्रारम्भिक अनुसन्धानमा विषादी सेवन गरेको आशंका गरिएको छ।
घटनास्थलमा विषादीका खाली पोका भेटिएको प्रहरी निरीक्षक झलक शर्माले जानकारी दिए। उनका अनुसार घटनाको थप अनुसन्धान भइरहेको छ भने घटनास्थल वरपरको इलाकामा आवश्यक प्रमाण संकलनको काम जारी छ।
विष्टको मृत्यु रहस्यमय देखिएको र यसलाई आत्महत्या वा अन्य कोणबाट पनि अनुसन्धान थालिएको प्रहरीले जनाएको छ।
- H
