काठमाडौं – प्रधानमन्त्री केपी शर्मा ओलीले आफ्नो तीन महिनाको कार्यकालको उपलब्धि सूची सार्वजनिक गर्दा अघिल्ला सरकारले गरेका कामलाई सापटी लिएर प्रगति विवरणमा समेटेका छन्। राष्ट्रका नाममा सम्बोधन गर्दै ओलीले ७० प्रतिशत काम पूरा गरेको दाबी गरे पनि तीमध्ये कतिपय काम अघिल्लो सरकारकै कार्यकालमा सुरु भएका थिए।
ओलीले आफ्नो सम्बोधनमा अघिल्लो सरकारको मुख्य साझेदार आफैं रहेको तथ्यलाई नजरअन्दाज गर्दै अर्थतन्त्रलाई डाँवाडोल स्थितिबाट सुधारिएको बताए।
त्यस्तै, उनले माओवादी–कांग्रेस गठबन्धन सरकारले अगाडि बढाएको क्रेडिट रेटिङलगायतका कामलाई पनि आफ्नो उपलब्धिका रूपमा प्रस्तुत गरे। केही आयोजना भने अहिलेसम्म सम्पन्न नभएको अवस्थामा पनि सम्पन्न भएको दाबी गरे।
प्रधानमन्त्रीको १०० दिनको प्रगति सूचीमा सरकारको कामप्रति प्रश्न उठाइएको छ, जसमा नेपाली सेनाको व्यवस्थापनमा द्रुतमार्गको काम र अन्य आयोजना समेटिएको छ।
तर, नारायणगढ–बुटवल लगायतका सडक आयोजनामा देखिएको ढिलाइलाई भने ओलीले सम्बोधन गरे
का छैनन्।
- Jigyasa media
