१५ भदौ, काठमाडौं । चीन भ्रमणमा रहेका प्रधानमन्त्री केपी शर्मा ओली र भारतीय प्रधानमन्त्री नरेन्द्र मोदीबीच सोमबार दिउँसो तियान्जिनमा भेटवार्ता भएको छ।
भेटपछि सार्वजनिक गरिएको तस्वीरसँगै मोदीले सामाजिक सञ्जालमार्फत नेपालको सम्बन्धबारे विशेष अभिव्यक्ति दिएका छन्। उनले लेखेका छन्— “भारतको नेपालसँगको सम्बन्ध गहिरो र विशेष छ। तियान्जिनमा प्रधानमन्त्री ओलीज्यूलाई भेट्न पाउँदा खुशी लाग्यो।”
ओली र मोदीबीच भएको यो भेटलाई कूटनीतिक वृत्तमा अर्थपूर्ण मानिएको छ। चीन भ्रमणकै क्रममा भएको उच्चस्तरीय भेटवार्ताले नेपाल–भारतबीचको सम्बन्ध अझ सुदृढ बनाउन योगदान गर्ने अपेक्षा गरिएको छ।
👉 यसअघि पनि मोदीले नेपाललाई भारतको “घनिष्ठ साझेदार” भन्दै दुवै देशबीच आपसी विश्वास र सहकार्यलाई निरन्तर अगाडि बढाउने प्रतिवद्धता व्यक्त गर्दै आएका छन्।
-
Jigyasanepal
