काभ्रे । काभ्रे जिल्लाको भुम्लु गाउँपालिकाले प्रशासकीय भवन निर्माणका लागि ऐतिहासिक अवसर पाएको छ, जसमा वडा नं. ५ निवासी स्व. दिलबहादुर खड्काको परिवारले ६ रोपनी जग्गा दान गरेको छ। पालीकाले उक्त जग्गा पाए सँगै यस महत्त्वपूर्ण कदममा खड्काकी श्रीमती धनलक्ष्मी खड्का र उनका जेठा छोरा गुणबहादुर खड्का, माइली बुहारी सरस्वती खड्का र कान्छा छोरा ठम बहादुर खड्का समेतले सो जग्गा दान गरेका हुन् । स्थानीय विकास र प्रशासनिक सेवा सुधारका लागि कुनै स्वार्थविना आफूहरुले यो जग्गा दान गरेको वहाँहरुको भनाइ छ ।
पालिका प्रमुख प्रशासकीय अधिकृत सुदर्शन भट्टराई भन्नुहुन्छ "स्व. दिलबहादुर खड्काको परिवारले वहाँको सम्झनामा गरिएको यो दानले गाउँपालिकाको विकास यात्रालाई नयाँ उचाइमा पुर्याउने छ।" वहाँहरुको योगदानको उच्च सम्मान छ " स्थानीय स्तरमा सरल, चुस्त र दुरुस्त सेवा प्रवाह गर्ने उद्देश्यले प्रदान गरिएको यो जग्गाले भविष्यमा गाउँपालिकालाई प्रभावकारी प्रशासकीय भवन निर्माण गर्न मार्गप्रशस्त गरेको छ । भुम्लु गाउँपालिकाले खड्का परिवारको यो योगदानप्रति कृतज्ञता प्रकट गर्दछौं ।"
उक्त जग्गा दानको विषयलाई जनप्रतिनिधिहरु पालिका अध्यक्ष, उपाध्यक्ष लगायत जनप्रतिनिधिले गाउँको समृद्धिको दिशामा एक ठूलो महत्वपूर्ण कदमको काम थालनी भएको र यसले भविष्यमा भुम्लु गाउँपालिकाको विकास र समृद्धिको बाटोमा एक इटा थप्न मद्वत पुगेको व्याख्या गरेका छन् ।
- Jigyasa media
