कात्तिक २, २०८१ काठमाण्डौ ।
सरकारले आज र भोलि देशभरका बालबालिकालाई जुकाको औषधि र भिटामिन ‘ए’ खुवाउने योजना बनाएको छ। स्वास्थ्य तथा जनसङ्ख्या मन्त्रालयका अनुसार कार्तिक २ र ३ गते, अर्थात् आज र भोलि, यस कार्यक्रमको सञ्चालन हुँदैछ।
छ महिनादेखि पाँच वर्ष मुनिका बालबालिकाहरूलाई भिटामिन ‘ए’ र एक वर्षदेखि पाँच वर्षमुनिका बालबालिकाहरूलाई जुकाको औषधि खुवाइनेछ। यी औषधिहरू नजिकैको स्वास्थ्य संस्थामा उपलब्ध हुने मन्त्रालयले जानकारी दिएको छ।
मन्त्रालयका अनुसार, १५ महिनासम्म लगाउनुपर्ने कुनै पनि नियमित खोप छुटेको छ भने, ५ वर्ष मुनिका बालबालिकालाई नजिकैको स्वास्थ्य संस्थामा छुट खोप लगाइनेछ। साथै, मन्त्रालयले थप जानकारीका लागि महिला सामुदायिक स्वास्थ्य स्वयंसेविका, नजिकैको स्वास्थ्य संस्था, वा वडा कार्यालयमा सम्पर्क गर्न आग्रह गरेको छ।
भिटामिन ‘ए’ क्याप्सुल सन् १९९३ देखि र जुकाको औषधि सन् २००१ देखि खुवाइँदैआएको हो।
- Jigyasa media
