काठमाडौं - । कलंकीस्थित एक रेस्टुरेन्टमा पुरानो छालाको रकम लुटपाट गरेको आरोपमा प्रहरी सहायक निरीक्षक (असई) अनबहादुर पुन र प्रहरी जवान धीर बुढा पक्राउ परेका छन्। काठमाडौं उपत्यका अपराध अनुसन्धान कार्यालयको टोलीले बुधबार उनीहरूलाई पक्राउ गरेको हो।
प्रहरीका अनुसार, लुटपाटमा संलग्न रहेको आरोपमा पक्राउ परेका यी दुईलाई अनुसन्धानका लागि जिल्ला प्रहरी परिसर, काठमाडौंमा बुझाइएको छ। छालाको रकम ल्याउने युवक र एक बिचौलिया भने अझै फरार रहेको जनाइएको छ।
पक्राउ परेका दुबैजना प्रहरी वृत्त कीर्तिपुरमा कार्यरत थिए, जबकि उनीहरूको दरबन्दी अपराध अनुसन्धान कार्यालयमा थियो।
- Jigyasa media
