धनगढी ।डडेल्धुरामा किशोरीको हत्या आरोपमा पक्राउ परेका व्यापारीलाई आइतबार सार्वजनिक गरिएको छ। अमरगढी नगरपालिका–७ की १४ वर्षीया आरती भट्टराईको हत्या गरेको आरोपमा ५८ वर्षीय टेकबहादुर भण्डारी पक्राउ परेका हुन्।
जिल्ला प्रहरी कार्यालय डडेल्धुराले पत्रकार सम्मेलनमार्फत भण्डारीलाई सार्वजनिक गर्दै, उनले हत्या स्वीकार गरेको जानकारी दिएको छ। भण्डारीले आफ्नै पसलको कोठामा आरतीको घाँटी थिचेर हत्या गरेको र शव व्यवस्थापनका लागि प्लास्टिकको बोरामा राखेर फालेको खुलासा भएको छ।
घटनाको विस्तृत अनुसन्धान भइरहेको प्रहरीले जनाएको छ। हत्या किन र कसरी भएको भन्नेबारे थप अनुसन्धान आवश्यक रहेको भए पनि प्रारम्भिक बयानअनुसार भण्डारीले आवेशमा आएर यो अपराध गरेको बताएकाछन्।
-
Jigyasanepal
