दोलखा - काठमाडौंबाट रामेछापको गुप्तेश्वर मन्दिरतर्फ जाँदै गरेको बागमती प्रदेश ०१–००६ ख ४८४३ नम्बरको यात्रुबाहक बस बिहीबार दोलखाको भीमेश्वर नगरपालिका–८ बोचको चरङ्गेमा दुर्घटनाग्रस्त भएको छ। दुर्घटनामा २३ वर्षीय लोक बहादुर श्रेष्ठको घटनास्थलमै मृत्यु भएको दोलखा प्रहरी प्रमुख डिएसपी युवराज खड्काले जानकारी दिए।
दुर्घटनामा गम्भीर घाइते भएका २५ वर्षीय धनबहादुर खड्कालाई प्राथमिक उपचारपछि थप उपचारका लागि काठमाडौं रिफर गरिएको छ। बसमा ४३ जना यात्रु सवार रहेका थिए, जसमध्ये ८ जना घाइते भएका छन्।
प्रहरीका अनुसार बसको ओभर स्पीडका कारण दुर्घटना भएको प्रारम्भिक जानकारी आएको छ। घाइते यात्रुको उपचार च्यारोल्पा अस्पताल, चरिकोटमा भइरहेको छ।
- Jigyasa media
