पाकिस्तान।पाकिस्तानको उत्तरपश्चिम खैबर पख्तुनख्वा प्रान्तको कुर्रम जिल्लामा भएको साम्प्रदायिक झडपमा कम्तीमा १६ जनाको मृत्यु भएको छ। मारेकमध्ये तीन महिला र दुई बालबालिका पनि छन्। सुन्नी र शिया मुस्लिम समुदायबीच लामो समयदेखि जारी तनावले पुनः हिंसात्मक रुप लिएको अधिकारीहरूले बताएका छन्।
शनिबार सुन्नीहरूको एउटा समूह सुरक्षामा यात्रा गरिरहेको बेला आक्रमण भएको थियो। उक्त आक्रमणमा १४ जनाको ज्यान गएको छ भने प्रहरीले जवाफी कारबाहीमा दुई आक्रमणकारीको हत्या गरेको बताइएको छ।
यस क्षेत्रमा जुलाईदेखि सेप्टेम्बरसम्म भएका झडपहरूमा पनि धेरैको मृत्यु भएको थियो। हाल समुदायबीच नयाँ युद्धविरामको प्रयास भइरहेको छ, तर उक्त क्षेत्रको दुर्गम अवस्थाका कारण पुनः हिंसात्मक घटनाहरू हुने खतरा रहेको अधिकारीहरूले बताएका छन्। पाकिस्तानमा सुन्नी बहुल समाजमा शिया समुदाय लामो समयदेखि भेदभाव र हिंसाको शिकार बन्दै आएको छ।
- RSS
