वैशाख २२, २०८२ | काठमाडौंसाताको दोस्रो दिन सेयर बजारमा पुनः ओरालो लागेको छ। लगानीकर्ताको आशावादिता क्षीण भइरहेका बेला सोमबारको कारोबार दिन नेप्से परिसूचक ९.६२ अंकले घट्दै २६१०.७६ विन्दुमा थामिएको हो।
७ अर्ब ६३ करोडको भारी कारोबार हालसम्मको दबावपूर्ण बजारमा पनि आज कुल १ करोड ८४ लाख कित्ता सेयर किनबेच भएको छ। कारोबार रकमले ७ अर्ब ६३ करोड रुपैयाँ नाघेको छ—जसले बजारमा सक्रियता भने कायम रहेको देखाउँछ।
तीन कम्पनीमा ‘सर्किट ब्रेकर’
मन्दीबीच पनि केही कम्पनी भने चम्किए। नेपाल माइक्रो इन्स्योरेन्स, ओम मेगाश्री हाइड्रो र सिटिजन सुपर ३० म्युचुअल फन्ड मा सकारात्मक सर्किट लागेको छ। यी कम्पनीका सेयर मूल्य एकैपटक १० प्रतिशतले बढेर ‘सर्किट ब्रेकर’ लागू भएको हो।
त्यसैगरी, आज ८६ कम्पनीका सेयर मूल्यमा वृद्धि देखिएको छ—केही कम्पनीका सेयर मूल्यमा ९.९९ प्रतिशत सम्मको उछाल आएको छ।
हिमालयन पावरको सबैभन्दा ठूलो गिरावट
अर्कोतर्फ, हिमालयन पावर पार्टनर ले सबैभन्दा धेरै ९.९९ प्रतिशतको गिरावट भोग्यो। अन्य कम्पनीहरूको सेयर मूल्यमा पनि अधिकतम ७.९५ प्रतिशत सम्मको गिरावट देखिएको छ।
राधी जलविद्युत् अगाडि, एनर्जी कम्पनीको दबदबा
कारोबार रकमको हिसाबले आज राधी जलविद्युत् अग्रपंक्तिमा देखिएको छ—जसको ७६ करोड रुपैयाँ बराबरको सेयर किनबेच भएको छ। त्यसपछि क्रमशः ङादी ग्रुप पावर (५५ करोड) र सानिमा माई हाइड्रोपावर (४८ करोड) कारोबारका साथ अगाडि छन्।
-
Jigyasanepal
