काठमाडौं — सुन बजारमा आज मंगलवार ऐतिहासिक उछाल आएको छ। एकैदिनमा सुनको मूल्य तोलामा ५ हजार ३ सय रुपैयाँले बढेको छ, जुन पछिल्ला दिनहरूको तुलनामा निकै ठूलो वृद्धि हो।
नेपाल सुन-चाँदी व्यवसायी महासंघका अनुसार सोमबार मात्रै ५ सय रुपैयाँले बढेको सुन आज एकाएक ५ हजार ३ सय रुपैयाँले उकालो लागेर तोलाको मूल्य १ लाख ८९ हजार ९ सय रुपैयाँ पुगेको हो।
सुनसँगै चाँदीको मूल्य पनि चुप लाग्न सकेन। चाँदी आज तोलामा १ हजार ९६५ रुपैयाँमा कारोबार भइरहेको महासंघले जनाएको छ।
बढ्दो अन्तर्राष्ट्रिय मूल्य र डलर साटदरको प्रभावले नेपाली बजारमा सुनको भाउ आकस्मिक रूपमा उक्लिएको व्यवसायीहरूको भनाइ छ। पछिल्लो समय लगानीकर्ताहरू सुनतर्फ आकर्षित हुँदै गएसँगै यसको माग पनि चुलिएको छ।
बजार विश्लेषकहरूका अनुसार, यदि यही प्रवृत्ति कायम रह्यो भने सुनले चाँडै नयाँ रेकर्ड तोड्न सक्छ ।
-
Jigyasanepal
