काठमाडौं, भदौ २० । नेपाली बजारमा सुनको मूल्य इतिहासकै उच्च स्तरमा पुगेको छ। शुक्रबार प्रतितोला सुनको मूल्य २ लाख १० हजार ४०० रुपैयाँ पुगेको नेपाल सुन–चाँदी व्यवसायी महासंघले जनाएको छ।

बिहीबारको तुलनामा आज प्रतितोला सुन २५ सय रुपैयाँले बढेको हो। लगातार बढ्दो मूल्यका कारण सुन किनबेचमा सामान्य चहलपहल भए पनि सामान्य उपभोक्ता भने प्रभावित भएका छन्।

सुनसँगै चाँदीको मूल्य पनि बढेको छ। बिहीबार प्रतितोला २ हजार ४८० रुपैयाँमा कारोबार भएको चाँदी शुक्रबार २ हजार ४९० रुपैयाँमा पुगेको छ, अर्थात् १० रुपैयाँले वृद्धि भएको हो।

व्यवसायीहरूका अनुसार अन्तर्राष्ट्रिय बजारमा भइरहेको उतार–चढाव र भूराजनीतिक तनावले मूल्य वृद्धि भएको हो। विश्वबजारमा बढ्दो अनिश्चितताका कारण सुनलाई सुरक्षित लगानीको विकल्प मानिँदै आएको छ, जसको सीधा प्रभाव नेपाली बजारमा परेको देखिन्छ।

विशेषज्ञहरूले मूल्य अझै बढ्ने सम्भावना चेतावनी दिँदै लगानीकर्तालाई सावधानी अपनाउन सुझाएका छन्।

• Jigyasanepal