कात्तिक २४, धनगढी — कैलालीमा सुरक्षाकर्मीलाई दिनुपर्छ भन्दै पैसा असुली गरेको आरोपमा दुई जना अटो रिक्सा चालकलाई प्रहरीले पक्राउ गरेको छ। गौरीफन्टा नाकाबाट नेपाल प्रवेश गरेका गोदावरी नगरपालिका-२ अत्तरिया निवासी २७ वर्षीय लोकेन्द्र ओझाबाट उनीहरूले रकम लिएको आरोप छ।
पक्राउ परेका धनगढी उपमहानगरपालिका-३ मिलनचोकका २५ वर्षीय मनोज बहेडी र धनगढी-२ चौराहका ३१ वर्षीय करन बोहरामाथि नेपालतर्फका सुरक्षाकर्मीलाई पैसा दिनुपर्छ भन्दै ओझासँग २,००० भारतीय रूपैयाँ असुलेको आरोप छ। घटनापछि सशस्त्र प्रहरी बल, प्रस्तावित सीमा सुरक्षा गुल्म त्रिनगरको टोलीले उनीहरूलाई नियन्त्रणमा लिएको हो।
दुवै जनालाई आवश्यक कानूनी कारबाहीका लागि जिल्ला प्रहरी कार्यालय कैलालीको जिम्मा लगाइएको सशस्त्र प्रहरीले जानकारी दिएको छ।
- Jigyasa media
