काठमाडौं: नेपाल प्रिमियर लिग (एनपीएल) क्रिकेट प्रतियोगिताका लागि टिकट दर सार्वजनिक गरिएको छ। आयोजक समितिले सोमबार टिकटको मूल्य विवरण सार्वजनिक गरेको हो।
सार्वजनिक गरिएको विवरण अनुसार उद्घाटन खेलको टिकट दर साधारण दर्शकका लागि रु ३०० र भिआइपीका लागि रु ७०० तोकिएको छ। अन्य लिग खेलहरूको दिन दुईवटै खेलको लागि साधारण टिकट रु ३०० र भिआइपी टिकट रु ५०० निर्धारण गरिएको छ।
प्लेअफ चरणको खेलका लागि साधारण दर्शकले रु ५०० र भिआइपी दर्शकले रु ७०० तिर्नुपर्नेछ। फाइनल खेलको टिकट दर भने साधारणका लागि रु ५०० र भिआइपीका लागि रु १००० निर्धारण गरिएको छ।
यसबाहेक, प्रतियोगिताभरका सबै खेल हेर्न सकिने गरी सिजनल पास पनि उपलब्ध गराइएको छ। यसमा २०% छुटसहित साधारण पास रु ४४८० र भिआइपी पास रु ८२४० तोकिएको छ।
एनपीएलका खेलहरू आगामी दिनमा विभिन्न स्थानमा सञ्चालन गरिने छ, जसको विस्तृत जानकारी आयोजकले चाँडै सार्वजनिक गर्ने जनाएको छ। टिकट दरसँगै दर्शकहरूको उत्साहलाई मध्यनजर गर्दै व्यवस्थापनको तयारी अघि बढाइएको आयोजकले उल्लेखगरेको छ।
- Jigyasa media
