काठमाडौं । अर्जेन्टिनाका स्टार फुटबलर लियोनल मेसीका पिता जर्ज मेसीको ६८ वर्षको उमेरमा निधन भएको खबर सार्वजनिक भएको छ।

अन्तर्राष्ट्रिय सञ्चारमाध्यमका अनुसार जर्जको अर्जेन्टिनाको रोसारियोस्थित एक अस्पतालमा निधन भएको हो। उनी लामो समयदेखि स्वास्थ्य समस्यासँग जुधिरहेका थिए र पछिल्ला महिनामा उनको स्वास्थ्य अवस्था कमजोर बन्दै गएको बताइएको छ।

जर्ज मेसी छोराको फुटबल यात्राका सुरुदेखिका महत्वपूर्ण सहयोगी थिए। मेसीको बाल्यकालदेखि व्यावसायिक फुटबल करिअरसम्म उनले निरन्तर साथ दिएका थिए।

मेसी विश्व फुटबलमा स्थापित हुँदै गर्दा जर्जले उनको व्यावसायिक पक्ष व्यवस्थापनमा समेत महत्वपूर्ण भूमिका निर्वाह गरेका थिए। उनले क्लबहरूसँगको सम्झौता तथा विभिन्न व्यावसायिक वार्तामा मेसीका प्रतिनिधिका रूपमा काम गरेका थिए।

जर्जको निधनपछि फुटबल जगत तथा अर्जेन्टिनाको फुटबल समुदायबाट मेसी र उनको परिवारप्रति समवेदना व्यक्त गरिएको छ। छोराको बाल्यकालदेखि विश्वस्तरीय फुटबल यात्रासम्म साथ दिएका पिताको निधन मेसी परिवारका लागि ठूलो व्यक्तिगत क्षति बनेको छ।

• Jigyasanepal