✍🏼-मनिष राई
रुमलिन्छ मान्छे यहाँ बहकिन्छ पनि
मनभित्रको चाह कहाँ देखिन्छ र
पल पल हावाको ठक्कर खान्छ पातले
शितलता अघि रोदन कहाँ देखिन्छ र ।।
समयको दोष भन्छन् यहाँ
आफ्ना पाइला कहाँ गनिन्छ र
पाइला नहेरी शिखर चुमे अरे
त्यसलाई नि सफलता भनिन्छ र ।।
आखिर माटो मै मिल्नु छ पछि
को गरीब को धनी छ र
निःस्वार्थ भै कर्म गरे अरे
स्वार्थ नभएको संसार पनि छ र ।।
आश देखाउँछन् धेरै यहाँ
चन्द्रमाको तापले जमिन सकिन्छ र
भाग्य हेर्छन् औंला फिजाई
हातका नशामा भाग्य लेखिन्छ र ।।
वसन्तको पालुवा हराभरा
जहिले खास कहाँ देखिन्छ र
वर्षात पछिको छाता बन्द गरेकै राम्रो
नत्र आकाश कहाँ देखिन्छ र ।।
- Jigyasa media
