काठमाडौँ । संघीय संसद अन्तर्गत विभिन्न पाँचवटा समितिका बैठकहरू आज सिंहदरबारमा बस्दैछन्। बैठकहरूमा विभिन्न विधेयक र नीतिगत विषयमा छलफल हुनेछ।
- अर्थ समिति:बिहान ११ बजे सिंहदरबारमा बस्ने बैठकमा "बैंकिङ्ग कसूर तथा सजाय (दोस्रो संशोधन) विधेयक, २०८०" माथि अर्थमन्त्रीसँग छलफल हुने कार्यसूची रहेको छ।
- उद्योग, वाणिज्य, श्रम तथा उपभोक्ता हित समिति: यस समितिको बैठक पनि बिहान ११ बजे हुनेछ। बैठकमा त्रिभुवन अन्तर्राष्ट्रिय विमानस्थलभित्र रहेको नेपाल आयल निगमको इन्धन भण्डारणको स्थानान्तरण, वैकल्पिक ऊर्जाको रुपमा इथानोलको सम्भाव्यता अध्ययन, र पेट्रोलियम पदार्थमा मिसावट गर्न सकिने इथानोल उत्पादनसम्बन्धी छलफल हुनेछ।
- कानून, न्याय तथा मानव अधिकार समिति: बिहान ११ बजे बस्ने यस बैठकमा "विधायन सम्बन्धमा व्यवस्था गर्न बनेको विधेयक"को दफावार छलफल गरिनेछ।
- कृषि, सहकारी तथा प्राकृतिक स्रोत समिति: दिउँसो बस्ने बैठकमा भूमि व्यवस्था, सहकारी तथा गरिबी निवारण मन्त्रालयका कार्यक्रमहरू, कार्ययोजना, र बजेटसम्बन्धी छलफल हुने कार्यसूची रहेको छ।
- सार्वजनिक लेखा समिति: दिउँसो १ बजे बस्ने यस समितिको बैठकमा "डेडिकेटेड फिडर तथा ट्रंक लाइनको बक्यौता महसुल" सम्बन्धी विषयमा छलफल हुनेछ।
आजका बैठकहरूले विभिन्न महत्त्वपूर्ण विधेयक र नीतिगत निर्णयहरूमा प्रगति गर्ने अपेक्षा गरिएको छ।
- Jigyasa media
