काठमाडौं, मंसिर १६ – आज देशभर सम्पन्न भएको स्थानीय तहको उपनिर्वाचनमा मतदाताको उत्साहजनक सहभागिता देखिएको छ। निर्वाचन आयोगले प्रारम्भिक अनुमान अनुसार ६२ प्रतिशत मत खसेको जानकारी दिएको छ।

मतदान प्रक्रिया

निर्वाचन आयोगका सहायक प्रवक्ता दुर्गा प्रसाद चालिसेले अधिकांश ठाउँमा मतदान प्रक्रिया सकिएको र केही स्थानमा मतगणना तयारी भइरहेको बताए। "प्रारम्भिक तथ्यांकअनुसार ६२ प्रतिशत मतदाताले आफ्नो मताधिकार प्रयोग गरेका छन्," उनले जानकारी दिए।

यस उपनिर्वाचनमा नगरपालिका प्रमुख, उपप्रमुख, गाउँपालिका अध्यक्ष, उपाध्यक्ष र वडाध्यक्ष गरी ४१ पदका लागि निर्वाचन भएको हो।

कहाँ–कहाँ भयो निर्वाचन?

देशभरका विभिन्न ४१ वडामा सम्पन्न निर्वाचनमा निम्न स्थानहरूमा मतदान भएको थियो:

कोशी प्रदेश : ताप्लेजुङ, झापा, तेह्रथुम, सुनसरी, र ओखलढुङ्गा

मधेश प्रदेश: सप्तरी, धनुषा, महोत्तरी, रौतहट

बागमती प्रदेश: काठमाडौं, कीर्तिपुर, नुवाकोट, मकवानपुर

गण्डकी प्रदेश: गोरखा

लुम्बिनी प्रदेश: गुल्मी, कपिलवस्तु, रोल्पा, बर्दिया

कर्णाली प्रदेश: दैलेख, जाजरकोट, कालीकोट, डोल्पा

सुदूरपश्चिम प्रदेश: बझाङ, डोटी, दार्चुला, कञ्चनपुर

उम्मेदवारहरूको प्रतिस्पर्धा

यस उपनिर्वाचनमा २० राजनीतिक दल र स्वतन्त्र उम्मेदवार गरी कुल ३७६ जना प्रतिस्पर्धामा छन्।

आजको उपनिर्वाचनले लोकतान्त्रिक प्रक्रियामा जनताको सहभागिता सुनिश्चित गरेको छ। मतदाताहरूको उत्साहजनक सहभागिताले स्थानीय नेतृत्वप्रति जनचासो र लोकतान्त्रिक मूल्यप्रतिको विश्वास झल्काउँछ ।

६२ प्रतिशतको प्रारम्भिक मत खसेको विवरणले देशभरका मतदाताहरूले लोकतान्त्रिक प्रक्रियामा सक्रिय सहभागिता जनाएको स्पष्ट हुन्छ। निर्वाचनको परिणामले स्थानीय तहको राजनीतिक नेतृत्वलाई नयाँ दिशा दिने विश्वास गरिएको छ।

• Jigyasa media