काठमाडौं, भदौ ३० । हालै जेन जेडले सुरु गरेको आन्दोलनले देशभर व्यापक प्रभाव पारिरहेको बेला एमाले नेता तथा सांसद गोकुल बास्कोटाले सामाजिक सञ्जालमार्फत कडा प्रतिक्रिया जनाएका छन्। आन्दोलनकारीको भीडले उनको समेत घरमा तोडफोड र आगजनी गरेपछि उनले अब ढिला नगरी सुविचारित निर्णय गरेर पार्टीलाई पुनर्गठन गर्नुपर्ने आवश्यकता औंल्याएका छन्।
बास्कोटाले लेखेका छन्, “अरु क्षति रोक्न जे भो भो, हैन किन भो कसरी भो र अब के कसरी, कहिले गर्ने? छिटो तर सुविचारित निर्णय गरी पार्टीलाई पुनर्गठन गरौँ। अप्रिय लाग्ला तर सत्य यही हो कि दलविना गणतन्त्र बाँच्दैन र गणतन्त्रविना समाज।”
उनले समय, परिवेश, प्रकृति, प्रक्रिया र समाज विज्ञानका नियमले नेतृत्व परिवर्तनलाई अवश्यम्भावी बनाउने भन्दै सबैले त्यसका लागि तयार रहनुपर्ने सुझाव दिएका छन्।
बास्कोटाको भनाइले वर्तमान राजनीतिक परिस्थितिमा एमालेसहित सम्पूर्ण दललाई पुनर्विचार र नयाँ संरचना बनाउनुपर्ने दबाब थपिएको देखिन्छ।
-
Jigyasanepal
