✍🏼निर्भीकजङ्ग रायमाझी
कसले चलायो साउन पन्ध्रमा खीर खाने दिन ?
जब कि असारमा मात्र धान रोपिएको छ
जब कि भर्खरैमात्र बाढी घरभित्र पसेको छ,
चुहिने छानोमा पालसम्म हाल्न पाएको छैन
एकमुठी चिउरासमेत चपाउन पाएको छैन
तर मानिसहरु भन्दैछन्-
आज खीर खाने दिन हो
हामीले त बिहानै खाइसक्यौं !
कसले चलाउँदैछ
कलेजी रेट्ने प्रश्नको तिर उफ् !
कसले चलायो
साउन पन्ध्रमै खीर खाने दिन ?
-
Jigyasanepal
