बाँके ।
बाँकेको कोहलपुरमा मृत फेला परेका चन्द्रबहादुर कामीको टाउको एक सेफ्टी ट्याङ्कीमा फेला परेको छ। इलाका प्रहरी कार्यालय कोहलपुरले दिएको जानकारीअनुसार, कामीको टाउको घटनास्थलबाट करिब ५ सय मिटर पूर्वउत्तरमा रहेको सुनिता परियारको घरको सेफ्टी ट्याङ्कीमा फेला परेको हो।
गत शनिबार शितलनगरमा टाउकोबिनाको कामीको शव भेटिएको थियो। प्रहरीको प्रारम्भिक अनुसन्धान र सीसीटीभी क्यामेराको सहायताले टाउकोको अवस्थिति पत्ता लाग्न सफल भएको हो। घटनाको थप अनुसन्धान भइरहेको प्रहरीले जनाएकोछ।
- Jigyasa media
