तनहुँ । तनहुँको व्यास नगरपालिका–६ श्याम्घास्थित मादी नदीमा नुहाउने क्रममा आज एक व्यक्तिको मृत्यु भएको छ। नवलपुरको गैँडाकोट नगरपालिका–२ का ४० वर्षीय नारायण पोख्रेलको मृत्यु भएको हो। दशैँको अवसरमा ससुराली आएका पोख्रेल नदीमा नुहाउने क्रममा बगाएका थिए।
जिल्ला प्रहरी कार्यालयका अनुसार पोख्रेलको शव नदीले बगाएको स्थानबाट झण्डै एक किलोमिटर तल फेला परेको छ। प्रहरी निरीक्षक मुनेन्द्र थापाका अनुसार स्थानीयवासी र प्रहरीको सहयोगमा शवको खोजी तथा उद्धार गरिएकोहो।
- RSS
