सिन्धुली : सिन्धुलीको गोलन्जोर गाउँपालिका-७ खुर्कोट र रामेछापको मन्थली नगरपालिका ६ भलुवाजोरबीच रहेको सुनकोशी नदीमा बेलिव्रिज जडान गरेर यातायात पुनः सुचारु गरिएको छ। असोजको अविरल वर्षासँगै आएको बाढीले पक्की पुल बगाएपछि यातायात अवरुद्ध भएको थियो।
नेपाली सेनाको चौध बाहिनी अड्डा, गौचरको टोलीले नौ दिनमा एमपिबी (मोडुलर प्यानल ब्रिज) जडान गरी सिन्धुली र रामेछापका बासिन्दालाई पुनः सडक यातायातमा पहुँच दिलाएको हो।
बाढीले करिब १८० फिट पुल क्षति गर्दा २१ दिनसम्म यातायात ठप्प भएको थियो। सेनाको प्रयासमा अब स्थानीयवासी र व्यापारीका लागि यातायात सहज हुने बताइएको छ।
शनिबारसम्म सम्पूर्ण काम सकिने र यातायात पूर्णरूपमा सञ्चालनमा आउने अपेक्षा गरिएको छ।
- Jigyasa media
