काठमाडौं । बंगलादेशको अदालतले निर्वासित पूर्वप्रधानमन्त्री शेख हसिनाविरुद्ध पक्राउ पुर्जी जारी गरेको छ। हसिनाको आवामी लिग पार्टीका पूर्व महासचिव ओबैदुल कादिरसहित ४४ जनाविरुद्ध पनि पक्राउ पुर्जी जारी भएको हो।
गत अगस्टमा विद्यार्थी आन्दोलनको उत्कर्षमा हसिना भारत पलायन भएकी थिइन्। बंगलादेशको अन्तर्राष्ट्रिय अपराध न्यायाधिकरणले हसिनालाई मानव अधिकार उल्लङ्घन, गैरन्यायिक हत्या, र राजनीतिक प्रतिद्वन्द्वीहरूलाई हिरासतमा राखेको आरोपमा पक्राउ गर्न आदेश दिएको हो।
नरसंहार र मानवताविरुद्धका अपराधमा संलग्न रहेको आरोपमा नोभेम्बर १८ मा उनलाई अदालतमा पेश गर्न आदेश जारी भएको छ। हसिनाको सत्ताबाट पतनपछि उनका दर्जनौं सहयोगीहरूलाई हिरासतमा लिइसकिएको छ।
- Jigyasa media
