काठमाण्डौ ।
राष्ट्रिय स्वतन्त्र पार्टीका सभापति रवि लामिछानेलाई सहकारी ठगी तथा संगठित अपराध आरोपमा आज जिल्ला अदालत कास्कीमा पेस गरिनेछ। शुक्रबार साँझ काठमाडौंमा पक्राउ परेका लामिछानेलाई नेपाल प्रहरीको केन्द्रीय अनुसन्धान ब्युरो (CIB)ले सडकमार्ग हुँदै शनिबार बिहान ३ बजे पोखरा पुर्याएको थियो। स्वास्थ्य परीक्षणपछि उनलाई जिल्ला प्रहरी कार्यालय कास्कीमा राखिएको छ।
प्रहरीले सहकारी ठगी र संगठित अपराधसम्बन्धी अनुसन्धानका लागि अदालतबाट म्याद थप गर्न माग गर्ने तयारी गरेको छ। लामिछानेमाथि पोखराको सूर्यदर्शन सहकारीको ६५ करोड रुपैयाँभन्दा बढी रकम अपचलन गरी गोर्खा मिडियामा लगेको आरोप लागेको हो।
संसदीय छानबिन विशेष समितिले लामिछानेसहित अन्य व्यक्तिहरूमाथि ठगी, किर्ते, संगठित अपराध, र सम्पत्ति शुद्धीकरणमा अनुसन्धानको सिफारिस गरेकोथियो।
- Jigyasa media
