काठमाडौं, ५ कात्तिक – काठमाडौंको सितापाइलामा पार्किङ गरिएको एक विद्युतीय कारमा आगलागी भएको छ। प्रहरीका अनुसार बा प्र ०२ ०२९ च ५९५० नम्बरको उक्त कार काठमाडौं महानगरपालिका-१५ स्थित विश्वास स्पोर्ट्स सर्भिस सेन्टरमा पार्किङ गरिएको थियो।
आगलागीको कारण कारको ब्याट्री सर्ट हुँदा धुवाँको मुस्लो निस्किएको थियो। प्रहरीले घटनामा मानवीय क्षति नभएको र धुवाँ नियन्त्रणको लागि प्रहरी, दमकल, तथा स्थानीयवासीको सहयोगमा प्रयास भइरहेको जनाएको छ।
- Jigyasa media
