पाल्पा: तिनाउ खोलामा पौडी खेल्ने क्रममा एक भारतीय नागरिकको डुबेर मृत्यु भएको छ। पाल्पाको तिनाउ गाउँपालिका-३ पावरहाउस क्षेत्रमा सोमबार साँझ पौने ६ बजे भारत उत्तरप्रदेशका २६ वर्षीय विशालकुमार जावत तिनाउ खोलामा डुबेका थिए।
घटनापछि खोजी गरिएको क्रममा रुपन्देहीस्थित इलाका प्रहरी कार्यालय बुटवलको क्षेत्रमा उनको शव फेला परेको हो। विशाल नेपाल भ्रमणका लागि आएका थिए।
जिल्ला प्रहरी कार्यालय पाल्पाका अनुसार घटना सम्बन्धमा थप अनुसन्धान भइरहेको छ।
- Jigyasa media
