काठमाडौं, मंसिर ६ – अन्तर्राष्ट्रिय फौजदारी अदालत (आईसीसी)ले इजरायलका प्रधानमन्त्री बेन्जामिन नेतान्याहु, पूर्व रक्षामन्त्री योआभ ग्लान्ट र हमासका सैन्य कमान्डर महोम्मद दिएफविरुद्ध पक्राउ पूर्जी जारी गरेको छ।
आईसीसीले इजरायलको चुनौतीलाई खारेज गर्दै यी तीन जना उच्च पदाधिकारी र सैन्य नेताविरुद्ध कानूनी प्रक्रिया अघि बढाएको हो। इजरायल सरकारले हालैको हवाई आक्रमणमा हमासका सैन्य कमान्डर महोम्मद दिएफको मृत्यु भएको दाबी गरे पनि आईसीसीले उनका मृत्युलाई स्वीकार नगरेको जानकारी प्राप्त भएको छ।
इजरायल र हमास बीचको चलिरहेको युद्धमा यी व्यक्तिहरूले मानवताविरुद्धका अपराध गरेको आईसीसीको ठहर छ। यसअघि, आईसीसीका प्रमुख अभियोजक करिम खानले यी नेताविरुद्ध पक्राउ पूर्जी जारी गर्नको लागि माग गरेका थिए।
आईसीसीले इजरायलका अधिकारीहरूविरुद्ध यस कदमलाई लिएर स्पष्ट निष्कर्षमा पुगेको छ र अब यसका लागि थप कानूनी प्रक्रिया अगाडि बढाउने तयारीमा रहेको छ।
- Jigyasa media
