महोत्तरी – मोटरसाइकल दुर्घटनामा परि रामगोपालपुर नगरपालिका-२ का वडा अध्यक्ष मुकेश यादवको निधन भएको छ। गएराति बर्दिवास-जलेश्वर सडकखण्डमा मोटरसाइकल अनियन्त्रित भएर छेउमा रहेको कल्भर्टमा ठोक्किँदा ३५ वर्षीय वडा अध्यक्ष यादवको घटनास्थलमै निधन भएको हो।
दुर्घटनाबारे स्थानीयले बिहानमात्र थाहा पाएपछि प्रहरीलाई खबर गरेका थिए। नेकपा माओवादीबाट निर्वाचित वडा अध्यक्ष यादव बर्दिवास नगरपालिका-८ स्थित औरही कल्भर्ट नजिक मृत अवस्थामा भेटिएका थिए। यादवले प्रयोग गर्ने मोटरसाइकल सडक छेउमा र उहाँको शव सडकभन्दा तल मृत अवस्थामा भेटिएको प्रहरीले जनाएको छ।
घटना सम्बन्धमा खबर पाएलगत्तै प्रहरी घटनास्थलमा पुगेर अनुसन्धान गरिरहेको जिल्ला प्रहरी कार्यालय महोत्तरीले जनाएको छ।
-
Jigyasanepal
