काठमाडौं – आकर्षक तलबको प्रलोभनमा माल्दिभ्स पठाइदिन्छु भन्दै ठगी गरेको अभियोगमा बर्दिया बढैयाताल गाउँपालिका-१ निवासी, हाल काठमाडौं टोखा नगरपालिका-३ बसोबास गर्दै आएका ४३ वर्षीय नरेन्द्र कुमार वलीलाई शनिबार प्रहरीले पक्राउ गरेको छ।
वलीले एक व्यक्तिलाई माल्दिभ्समा जागिर लगाइदिन्छु भन्दै ५ लाख रुपैयाँ ठगी गरेका थिए। पीडितले सम्पर्कबिहीन भएपछि उजुरी दिएका थिए। उक्त उजुरीको आधारमा काठमाडौं उपत्यका अपराध अनुसन्धान कार्यालय टेकुबाट खटिएको प्रहरी टोलीले वलीलाई टोखा नगरपालिका-३ बाट पक्राउ गरेको हो।
पक्राउ परेका वलीलाई वैदेशिक रोजगार सम्बन्धी आवश्यक अनुसन्धान र कारबाहीका लागि वैदेशिक रोजगार विभाग ताहाचल, काठमाडौंमा पठाइएको छ।
- Jigyasa media
