काठमाडौं – नागढुंगा-नौबीसे सुरुङ मार्गको तल्लो प्रवेशद्वार नजिकै शुक्रबार दिउँसो लेदोसहितको पहिरो खस्दा संघीय राजधानी प्रवेश गर्ने मुख्य सडक पूरै अवरुद्ध भएको छ।
सुरुङ मार्गको नौबीसेतर्फको प्रवेशद्वार नजिकै पहिरो खसेपछि राजधानी भित्रिने र बाहिरिने सवारी साधनको लामो जाम लागेको छ। पहिरोले सडकलाई पूर्ण रूपमा ढाकेको कारण, करिब एक घण्टादेखि यातायात ठप्प भएको छ।
स्थानीय प्रत्यक्षदर्शी सन्तोष न्यौपाने उपाध्यायका अनुसार, पहिरो धेरै माथिसम्म ढाकिएकाले पन्छाउन डोजरको आवश्यकता भए पनि अहिलेसम्म डोजर नपुगेको छ। पहिरो पन्छाउन अझै केही समय लाग्ने अनुमान गरिएको छ।
- Jigyasa media
