कपिलवस्तु । कपिलवस्तुको शिवराज नगरपालिका-१ बनकसबासामा सोमबार भएको बस दुर्घटनामा २४ जना घाइते भएका छन्। सुर्खेतबाट नारायणघाटतर्फ जाँदै गरेको लु २ ख १५९८ नम्बरको बस दुर्घटनाग्रस्त भएको हो।
जिल्ला ट्राफिक प्रहरी कार्यालय कपिलवस्तुका अनुसार घाइतेहरूको स्थानीय चन्द्रौटा अस्पतालमा उपचार भइरहेको छ, जहाँ १५ जनाको उपचार जारी छ भने थप सात जनालाई भैरहवास्थित मेडिकल कलेजमा पठाइएको छ।
दुर्घटनापछि बसका चालक र सहचालकलाई प्रहरीले नियन्त्रणमा लिएको छ। ट्राफिक प्रहरी निरीक्षक अनिष भण्डारीले घटनाबारे थप अनुसन्धान भइरहेको जानकारी दिएका छन्।
- Jigyasa media
