सुदुरपस्चिम ।
सुदूरपश्चिम प्रदेश प्रहरी कार्यालयले दसैं, तिहार, र छठ पर्वलाई ध्यानमा राख्दै सञ्चालन गरेको सुरक्षा अभियानअन्तर्गत १६२ जना जुवाडेलाई पक्राउ गरेको छ। प्रहरीले कैलाली र कञ्चनपुरका विभिन्न स्थानमा जुवा खेलिरहेको अवस्थामा उनीहरूलाई ९ लाख ६४ हजार ६८६ रुपैयाँसहित नियन्त्रणमा लिएको हो।
पक्राउ परेकामध्ये ७७ जना कैलाली र ८५ जना कञ्चनपुरका रहेका छन्। यसबारेमा प्रदेश प्रहरी कार्यालय धनगढीका प्रमुख प्रहरी नायब महानिरीक्षक (डीआईजी) रवीन्द्र केसीले कानुनबमोजिम कारबाही प्रक्रिया अगाडि बढाइएको जानकारी दिए।
प्रहरीले यस चाडपर्वका लागि विशेष सुरक्षा योजना लागू गरेको छ। यसैअनुसार, प्रदेशभरि ११ हजार ५ सय प्रहरी परिचालन गरिएको छ, जसमा चाडपर्वको समयमा अतिरिक्त चार हजार प्रहरी थपिएका छन्।
- Jigyasa media
